Este exemplar pon punto final á serie Heráldica, Xenealoxía e Nobiliaria (composta en total por seis volumes) da grande obra de Hércules de Ediciones, Proxecto Galicia. Neste tomo abórdase o estudo da heráldica institucional nos diferentes ámbitos e vertentes. Así, analízase a historia do escudo e mais da bandeira de Galicia, faise un percorrido pola heráldica municipal de todos os concellos galegos, e tamén pola heráldica militar, pola relixiosa e pola das Ordes de Cabalaría; así mesmo ofrécese unha visión xenérica relativa á heráldica real e de Estado, e das forzas e corpos de seguridade.